Mas Naturalesa = Un Mihó Mundu

Uni Ku Naturalesa

WWF a kuminsá (un tempu) komo protektor di animalnan manera e panda. Mientrastantu nos retonan ta muchu mas grandi. Kalor ekstremo, sekura i inundashonnan. Pèrdida di naturalesa i kambio di klima awendia ta afektá tur bida riba mundu. I sigur no na último lugá, nos mes.

Pa para esaki, bo ta tende prinsipalmente kiko nos mester hasi ménos. Konsumí ménos. Ménos emishon di CO2. Esei ta un parti. E otro parti no ta trata di ménos, pero (al kontrario) di mas. Nos mester di mas naturalesa. Awe mes!

Pasobra mas naturalesa, i un naturalesa mas diverso, tin un efekto di dominó poderoso. Mas abeha ta nifiká mas flor. Mas flor, mas para. Mas para, mas mondi. Mas mondi, mas oksígeno. I ménos CO2.

Tur Kos ta Konektá ku Otro.

P’esei WWF tin un mishon: nos ta ban hasi nos mundu ‘Naturalesa Positivo’. Ban kambia di pèrdida di naturalesa pa ganashi di naturalesa, mas pronto posibel. Asina e mundu ta keda habitabel pa tur hende. Esei tá posibel, si nos skohe huntu p’e. Nos por traha ku naturalesa pa resolvé problemanan sosial. E solushonnan basá riba naturalesa por yuda reforsá e biodiversidat i nos propio kondishonnan di bida i salú.

Hóbennan, polítikonan, agrikultornan, piskadónan, siudadanonan i CEO-nan. Mas i mas hende ta lucha huntu i skohe pa mas naturalesa. Ku loke nan ta kome, kumpra i sostené. E konsientisashon ta penetrando: skapa naturalesa kiermen skapa nos mes. Nos ta parti di naturalesa

 

Yellow and blue fish, Bonaire, Dutch Caribbean
Donkey lying down, Bonaire, Dutch Caribbean
Bird sitting on a tree, Bonaire, Dutch Caribbean