Términonan di Uso

Usando nos wèpsait, bo ta bai di akuerdo ku e aplikabilidat di nos Términonan di Uso. Por fabor tuma nota ku e Términonan akí por kambia kada tantu tempu i e kambionan ei lo ta na vigor inmediatamente. Nos ta konsehá bishitantenan na e wèpsait pa periódikamente chèk e término- i kondishonnan pa si tin kambio.

Aplikabilidat

E término- i kondishonnan akí (“Términonan di Uso”) ta apliká p’e bishita na, i uso di e wèpsait akí di Wereld Natuur Fonds (WWF-NL) i tambe p’e informashon hasí disponibel na bo riba òf via e wèpsait, rekomendashonnan i/òf servisionan (“e Informashon”).

Informashon i responsabilidat

E informashon ta solamente pa uso komo informashon general i no ta intenshoná komo konseho. WWF-NL no ta responsabel pa niun daño ku por resultá for di uso (òf inabilidat di uso) di e wèpsait, inkluso daño komo resultado di virùs òf informashon ineksakto òf inkompleto, a ménos ku e daño ta resultado di intenshon òf negligensia grave di parti di WWF-NL. Ademas usuarionan di e wèpsait i e informashon ta indemnisá WWF-NL pa kualke tipo di daño na terser partido relashoná ku kualke akshon di e usuario komo resultado di e uso.

WWF-NL no ta responsabel tampoko pa daño ku ta resultá di uso di medionan elektróniko pa komunikashon ku e wèpsait akí, inkluso – pero no limitá na – daño ku ta resultá di falta di entrega òf entrega lat di mensahenan elektróniko, intersepshon, òf manipulashon di mensahenan elektróniko dor di terser partido òf dor di software/ekipo usá pa komunikashon elektróniko i transmishon di virùs.

Privasidat

Ora bo usa nos wèpsait, nos por usa bo informashon pa propósitonan ku ta basá riba basenan legal bálido. Pa mas informashon tokante kon nos ta atendé ku datonan personal, por fabor konsultá nos Deklarashon di Privasidat.

Lenknan pa otro wèpsait

E wèpsait akí ta kontené lenk pa páginanan eksterno di internèt. WWF-NL no ta responsabel pa uso ni kontenido di páginanan di internèt pa kual un lenk ta inkluí riba e wèpsait akí, ni pa páginanan di internèt riba kual tin un lenk inkluí pa yega n’e wèbsite akí. Nos Deklarashon di Privasidat/Maneho di ‘Cookie’ no ta apliká pa datonan personal ku a ser kolektá i prosesá di bo riba òf via e wèpsaitnan eksterno akí.

Derechi di Propiedat

A ménos ku ta ser indiká di otro manera, tur derechi, inkluso derechi di outor i otro derechinan di propiedat intelektual riba e wèpsait i informashon, ta den man di WWF-NL.

Bishitantenan por konsultá e wèpsait i e informashon i traha kopia pa nan propio uso, por ehèmpel dor di prent òf ‘save’ esaki. Kualke otro uso òf mal uso di e wèpsait òf di e informashon, por ehèmpel warda òf reprodusí (parti di) e wèpsait di WWF Dutch Caribbean riba un otro página di internèt òf krea lenk, hyperlenk òf deep lenk entre e wèpsait di WWF Dutch Caribbean i kualke otro página di internèt, no ta pèrmití sin e konsentimentu eksplísito por eskrito di WWF-NL.

WWF-NL ta, entre otro, e lisensiatario ekslusivo pa Hulanda di e siguiente markanan komersial di Benelux registrá na nòmber di WWF – World Wide Fund for Nature – (anteriormente World Wildlife Fund):

–        e marka di palabra Wereld Natuur fonds (ku number di registrashon 391890);

–        e marka di palabra Wereld Natuur Fonds (ku number di registrashon 511319);

–        e kombinashon di lèter WNF (ku number di registrashon 391891);

–        e kombinashon di lèter WWF (ku number di registrashon 511318).

Ideanan no-solisitá

Den kaso ku bo ‘post’ ideanan no-solisitá i/òf material, inkluso, pero no limitá na, teksto, imágen, zonido, software òf informashon (e “Materialnan”) riba e wèpsait akí òf manda nan na WWF-NL via email òf otro manera, WWF-NL lo tin derecho di usa, kopia, i/òf eksplotá komersialmente e materialnan akí, tur esaki den e sentido di mas amplio, sin debe niun kompensashon i WWF-NL lo no ta obligá na tene sekreto e materialnan relevante.

Pa medio di esaki bo ta indemnisá WWF-NL pa tur daño ku WWF-NL sufri i tur gastu ku WWF-NL haña relashoná ku ‘claim’ di terser partido, ku e uso i/òf eksplotashon di e material ta infringí derechi di propiedat (intelektual) di terser partido òf di otro manera ta ilegal kontra un terser partido.

Nulidat

Si e Términonan di Uso akí ta òf bira parsialmente inbálido, e partidonan lo keda obligá pa ku e parti restante. E partidonan lo remplasá e parti inbálido ku stipulashonnan ku ta bálido i di kual e konsekuensianan legal, den lus di e kontenido i propósito di e Términonan di Uso akí, ta korespondé mas tantu posibel ku esnan di e parti inbálido.

Lei aplikabel i korte kompetente

E Términonan di Uso akí ta eksklusivamente suheto na lei Hulandes. Tur disputa ku lanta en konekshon ku e Términonan di Uso akí, inkluso disputanan tokante nan eksistensia i balides, lo keda resolvé pa e tribunal kompetente di e Korte Sentral Hulandes.

Informashon di registrashon

Adrès di ofisina:

Registrá na Kámara di Komèrsio bou di nòmber:

Stichting Het Wereld Natuur Fonds – Nederland

Driebergseweg 10

3708 JB Zeist

Number di registrashon di Kámara di Komèrsio: 41177588, Utrecht

Number di VAT: NL003330084B01

Historia di refnan

Deskubrí nos eksposishon >