Kiko ta pasando?

Den e último 50 añanan, nos konsumo di piská a bira dòbel i e ta kresiendo ketu bai. 3 miar di hende ta dependé di piskamentu pa por gana nan pan di kada dia i pa por kome. Kasi un terser parti di tur stòk di piská ku a ser investigá ta dimas eksplotá. Esaki ta nifiká ku mas piská ta keda di fangu ku ta ser tirá bèk den laman. Ademas, un otro 60% di stòk di piská ta ser di fangu na un nivel máksimo. Esaki ta nifiká ku si e situashon aki keda asina of asta bira pio, piskamentu dimas tambe lo tuma lugá einan. Piskamentu dimas riba un término largu ta kousa ku espesienan ta ekstinguí (lokalmente).

Téknikanan di piskamentu ku ta dañino

E konsekuensianan negativo ku téknikanan dañino di piskamentu tin, no ta ni mes inkluí den e figuranan alarmante aki. Es mas, e problema ta mas serio ku e figuranan aktual ta indiká. Botonan di tou ku tin biaha ta trèk nan nètnan pisá riba fondo di laman te ku 2000 meter dip, tambe ta kousa hopi daño. E fondo di laman ta hopi importante pa e salú di laman. Tin hopi espesie di animal ku ta hunga un ròl importante den bida marítimo.

Kapturanan insidental i redanan fantasma tambe ta un problema grandi. Miones di animal ta keda pegá den e redanan i liñanan di peska kaminda no tabata e intenshon pa piskanan. Komo resultado, nan ta keda matá ‘aksidentalmente’. Esaki hopi biaha tambe ta afektá animalnan ku ta den peliger di ekstenshon manera tribon, turtuga, bayena i dòlfein.

Kiko ta redanan fantasma?

Tur aña, mas o menos entre mei i 1 miar kilogram di materialnan di peska (liña, reda i otro ekiponan di peska) ta terminá den oséano. Materialnan di peska fantasma ta e forma mas mortal di desperdisio di plèstik pa animalnan marítimo. Mas ku 5,400 animal di 40 diferente espesie di mamífero marino manera rèptil, tribon i manta, a keda pegá den redanan fantasma. Pa mas informashon, lesa e rapòrt ‘Stop Ghost Gear: The most deadly form of marine plastic debris’.