Nos Trabou na Saba
Saba Bank Management Unit (SBMU) i Saba Conservation Foundation (SCF) ta dos partner lokal importante pa WWF-NL. Aparte di Dutch Caribbean Nature Alliance, WWF-NL ta sostené e organisashonnan aki pa surpasá e desafionan di naturalesa ku nan ta enfrentá. Por ehèmpel e ekspedishon di tribon tiger organisá pa DCNA a ser finansiá pa WWF-NL i Nationale Postcode Loterij. E meta di e ekspedishon aki tabata pa analisá patronchinan di moveshon dor di usa ‘satellite tag’ pa siguinan di serka i pa sa nan lokashon. Mester di mas informashon di tiburon pa por protehanan mihó den e awanan di Karibe Hulandes i alrededor.
Ekspedishon di tribon tiger na Saba Bank. © Sami Kattan
Nos proyektonan aktual
Otro Proyektonan Finalisá
- Proyekto pa fangu lionfish
- Asistí ku planifikashon stratégiko di SCF i SBMU
- Finansiá un ranger, ku a hasi diferente proyekto pa SCF
- Finansiá e promé proyekto piloto di rekuperashon di koral ku ta dura 5 aña
- Duna gòbiernu sosten na krea un plan di maneho di kabritu
- Sostené SCF dor di establesé implementashon i kontrol
- Peskeria sostenibel (suministrá ‘chain analysis’, ‘social mapping’, plan finansiero pa koperativanan di peskeria lokal)
Un di e proyekto ku a finalisá ta e Estudio di Finansiamentu Sostenibel. Entre 2019 i 2021, Wolfs Company a duna sosten pa Saba Conservation Foundation, STENAPA i Nature Foundation Sint Maarten ku e desaroyo di plannan pa mehorá nan sostenibilidat finansiero na largu plaso. E trabou aki a kuminsá ku un programa pa guia i konsehá finansiá pa WWF-NL i Dutch Caribbean Nature Alliance (DCNA). For di 2020, DCNA a sigui duna sosten pa yuda ku e implementashon di e strategianan finansiero.
Yuana pretu © Chizzilala / WWF-NL
E estudio a mustra ku e fondonan ku ta disponibel aktualmente pa e parkenan no ta sufisiente pa kubri tur e aktividatnan nesesario pa protehá e ekosistemanan balioso di e islanan. Aunke e parkenan ta risibí fondonan via donashon, supsidio gubernamental, kontribushon di DCNA i entradanan pa aktividatnan, e kantidat aki ainda no ta sufisiente. Pa solushona e problema aki, varios opshon nobo di finansiamentu a wordu eksplorá pa kada isla. E solushonan aki por involví organisashonnan públiko òf privá ku ta traha huntu pa krea un futuro más sigur i resistente pa konservashon di naturalesa den Karibe Hulandes.
Lesa e estudio kompletu pa mas informashon.
Sustainable Financing Study Saba Conservation Foundation
