Nos trabou na Kòrsou

Un di nos ophetivonan a largo plaso ta pa mehorá salú di e ref di koral i e ambiente di bida na kosta pa medio di restorashon aktivo i implementashon di Solushonnan Inovativo basá riba Naturalesa. Huntu ku partnernan lokal na Kòrsou, nos ta inisiá i promové proyektonan inovativo dor di sostené, finansiá, i ehekutá proyektonan pa restorashon di yerba di laman, pal’i mangel i koral, i tambe proyektonan relashoná ku espesienan di ref di koral. Por ehèmpel, Dutch Caribbean Nature Alliance ta realisando un estudio di faktibilidat tokante restorashon di kosta den Karibe. E meta prinsipal di e proyekto akí ta pa evaluá e potensial pa implementá inisiativanan pa restorá i konservá pal’i mangel i yerba di laman den region.

Ademas nos ta eksplorá e posibilidatnan pa kolektá i restorá asina yamá grazers  (por ehèmpel, chirurg vis, karkó i seapel), pasobra nan ta hunga un papel vital pa mantené refnan di koral saludabel dor di kome e alganan (lima) ku tin riba e refnan. Nos mester traha ku naturalesa pa haña solushonnan ku por benefisiá hende, naturalesa, i animalnan. Tambe ta krusial pa traha riba konsientisashon di e komunidat lokal. Nos ke motivá hende pa realisá ku huntu nos por hasi kambionan (chikí) ku tin impakto grandi!

Nos proyektonan aktual

Historia di refnan

Deskubrí nos eksposishon >