Konservashon di Naturalesa den Karibe Hulandes

Konservashon di Naturalesa pa e Futuro Generashon

Karibe Hulandes ta konsistí di 3 isla: Boneiru, Sint Eustatius i Saba. For di 2010, e islanan aki ta forma parti di Hulanda. E bienestar i prosperidat di e islananan i su habitantenan ta depende hopi riba e kalidat di e medio ambiente. Nos ke kuida nos tera, laman i animalnan mihó.Pa mayoria hende sostenibilidat ainda ta un konsepto teorétiko. E mishon den e region aki ta pa kombertí e konsepto di bida sostenibel den aktividatnan konkreto, práktiko i fásil ku hende por relatá na dje.

Konsientisashon general ta ser kreá pa medio di kampañanan den barionan, seminarionan i seshonnan ku stakeholders. Tur aktividat ke krea konsientisashon i na mesun momentu krea un akshon perspektivo pa nos oudiensia lokal. Apesar di tur kos, konsientashon ta bon, pero motivá personanan pa krea kambionan chikí den nan komportashon ta aun más mihó!

Earth Hour na Kòrsou © WWF-NL / Clayton Lanoy

Nos ta traha ku partnernan lokal di islanan BES i tambe nos tin lasonan estrecho ku otro partidonan den Karibe Hulandes pa kompartí konosementu i traha riba medidanan di konservashon ku ta benefisiá e region aki. Pa medio di Sea Turtle Conservation Bonaire, nos ta protehá e bichnan kaminda turtuganan ta pone webu, hasi investigashon i desaroyá proyektonan edukashonal ku e hubentut lokal. Tambe nos ta traha huntu ku e koperativanan Federashon Kooperativanan Uní di Produkshon (FKUP) na Kòrsou i PISKABON na Boneiru pa yuda piskadonan lokal pa nan piska den un forma mas sostenibel.WWF-NL tambe ta dunando sosten na diferente proyekto di St. Eustatius National Parks Foundation i Saba Conservation Foundation na St. Eustatius i Saba. Na e parti Oropeo di e oséano, Wereld Natuur Fonds ta pone e region Karibense riba agènda polítiko.

Nos Proyektonan Finalisá

Huntu ku organisashonnan lokal i komunidat lokal WWF-NL a realisá diferente proyektonan na Boneiru, St. Eustatius i Saba. Akí bou tin un selekshon di e proyektonan.

Estudionan tokante peska na Hulanda Karibense

Un estudio históriko, un estudio di kartografia sosial i un estudio di merkado a ser kondusí tokante e sektor di peska di Boneiru, Saba i St. Eustatius, pa haña un mihó bista di e sektor akí, e esfuersonan di peska, i e posibel impakto riba naturalesa. E estudionan akí ta duna un bista i konosementu tokante e transishon pa sektornan di peska sostenibel na Hulanda Karibense.

Piskadó lokal © Casper Douma / WWF-NL

Workshop tokante finansa sostenibel na Saba, St. Eustatius, i Sint Maarten

Un workshop a ser duná n’e organisashonnan di maneho di naturalesa di Saba, St. Eustatius, i Sint Maarten pa investigá i atendé e retonan identifiká pa loke ta trata implementashon di mekanismonan di finansiamentu p’asina sostené maneho di áreanan protehá.

Konsientisashon tokante polushon 

E proyekto ‘Trash to Cash’ a krea konsientisashon riba polushon di plèstik i tambe a krea un plan di negoshi pa loke ta trata resiklahe di plèstik na Boneiru. Ademas, a lansa un programa edukativo online ku yama Beyond Plastics. E programa online a keda desaroyá den koperashon ku konsehero ambiental Travel Without Plastic. E ta krea e oportunidat pa tur hende na Boneiru siña dikon nos mester redusí plèstik di un solo uso i kon nos por logra un redukshon di plèstik signikativo. Un kantidat di módulo den e programa edukativo online Beyond Plastics, ta diseñá spesífikamente pa hotèlnan, akomodashonnan i ekskurshonnan.

Nos tambe tabatatin e kampaña ‘Sushi òf Dushi’ pa krea mas konsientisashon pa un Boneiru mas limpi. E Sushi òf Dushi Challenge tabata un yamada pa akshon, enfokando riba tur habitante pa partisipá den un limpiesa ku ta dura 10 minüt i pa despues pone nan potrètnan di antes i depsues riba Instagram òf Facebook. Den transkurso di último añanan, nos a organisá un kantidat di limpiesa na Boneiru, hopi biaha den kolaborashon ku Selibon.

A man holding a reusable water bottle, saying no to a plastic bottle

E kampaña di Beyond Plastics © WWF-NL / Emieck de Goede

Biba Konsiente

E programa na radio ‘Biba Konsiente’ ta trata temanan ku ta enfoká riba e ambiente lokal i sostenibilidat.

Local vegetables

Bèrdura lokal © WWF-NL / Casper Douma