Nos ta hasi tur loke nos por huntu ku partnernan lokal pa protehá i restorá e medio ambiente marino den Karibe Hulandes. Kon realmente nos ta hasi esei, esta protehá e medio ambiente marino?

Miéntras e impakto di kambio di klima ta oumentando den forma di oséanonan ku ta birando mas ásido, temperatura di laman ku ta subiendo, i mas, nos meta ta pa konektá e kompromiso mundial pa redusí emishonnan di CO2 na formashon di refnan di koral resiliente i espesienan emblemátiko saludabel ku por resistí e preshonnan akí. WWF-NL su dos metanan prinsipal di konservashon riba término largu pa Karibe Hulandes ta:

Nos ophetivo ta pa duna inisio na, fasilitá i sostené inisiativanan lokal i tambe desaroyá proyektonan nobo den kooperashon ku organisashonnan lokal i regional. Kaminda ta posibel, WWF-NL lo enbolbí komunidatnan lokal i konsientisá nan tokante e nesesidat pa sostené e medio ambiente natural i e menasanan ku esaki ta enfrentá, p’asina krea un mundu den kual hende i naturalesa ta biba den harmonia.

Nos lo hasi esaki dor di sostené i ehekutá programanan edukashonal en general i na skolnan, krea eventonan pa i huntu ku komunidatnan lokal, i sigurá partisipashon di ‘stakeholdernan’ lokal den proseso di tuma desishon. Esaki mester hiba na un oumento den konosementu, mas sosten di organisashonnan lokal pa huntu alkansá metanan di konservashon, i mas benefisio p’e komunidatnan akí.

WWF-NL i su ret mundial ta permití nos pa duna apoyo i direkshon na organisashonnan lokal, mehorá gobernansa, yuda (ko-)desaroyá Áreanan Marino Protehá, implementá plannan pa maneho di peska, sostené restorashon aktivo di naturalesa, i konektá e aspektonan akí ku otro pa duna un vishon general di loke por ser lográ.