Sea Turtle Conservation Curaçao ta dediká na protehá turtuganan i nan habitat na Kòrsou. E animalnan akí ta den peliger i ta enfrentá menasanan manera pèrdida di habitat, kontaminashon i piskamentu ilegal. STCC ta bai kontra e retonan dor di monitorisashon, edukashon i konservashon. Dor di traha ku partnernan lokal i internashonal, e organisashon ta tuma un método kompletu pa garantisá e sobrebibensia di turtuganan pa generashonnan den futuro.

Logronan den 2024

Apoyá pa WWF-NL, STCC a logra diferente meta di konservashon aña pasá:

Monitorisá i protehá 80 webunan di turtuga —65 na Klein Kòrsou i 15 riba e isla prinsipal—a resultá den mas o ménos 3500 turtuga chikí ku a logra yega na laman.
Pone webunan vulnerabel den un otro lugá a yuda prevení peliger for di laman grandi i aktividatnan humano.
Seshonnan edukativo a desaroyá e kapasidat di mas ku 30 boluntario. E programanan akí a enfoká riba identifikashon di webunan, kolekshon di data, i operashonnan di salba bida, kreando un ekipo fuerte pa enfrentá retonan den konservashon.
Tortuganan heridá a ser salbá i rehabilitá ku éksito, inkluyendo un turtuga ku a haña kuido pa seis luna promé di liberá na laman.
A lansa e proyekto “Enjoy Nature, Respect Wildlife” pa promové konservashon di bestia i eduká públiko riba importansia di preservá biodiversidat marino.
Seshonnan di “netting” na lugánan importante, manera Boka Ascension, a duna informashon vital tokante poblashon lokal di turtuga. E esfuersonan tambe a mustra un desaroyo positivo di un poblashon stabil, ku vários turtuga sano observá i registrá.

Material Edukativo

STCC a krea un foyeto nobo pa operadornan di turismo, ku ta duna guia riba kon por interkambiá ku turtuganan den un manera responsabel i ta duna instrukshon riba kiko nan mester komuniká na turista tokante kon por traha korekto serka e aninalnan akí. Mira e foyetonan akí.