Mangrove Adoption Program

Pal’i Mangel (Mangrove) ta palunan versátil ku ta masha importante pa nos, pasobra nan ta forma un barera natural pa nos kosta kontra olanan haltu, bientu fuerte i tormentanan tropikal. E palunan ta brinda un ambiente ideal pa diferente piská, kangreu, kabaron i asta turtuga por biba òf reprodusí. Ademas, piskadónan lokal ta dependé di e piskánan ku ta biba kaminda tin e pal’i mangelnan. Anto no lubidá: e mondinan di pal’i mangel ta akapará 7.5 te 10 biaha mas tantu CO2 ku un selva tropikal, loke ta yuda pa kombatí kambio di klima!

WWF-NL a finansiá un programa di komunidat pa adopshon di pal’i mangel na Kòrsou ku ta ser ehekutá pa Curaçao Outdoor Industry Alliance Foundation. E meta ta pa traha ekosistemanan di kosta ku ta resiliente pa ku klima i tambe saludabel, p’asina protehá komunidat kontra eventonan di wer ekstremo i otro eventonan di klima. E meta akí ta ser lográ dor di planta pal’i mangel. Pa konsientisá tokante e importansia di ekosistemanan di kosta, komunidat lokal lo ser aktivamente enbolbí den e proyekto i tambe lo organisá seshonnan edukativo.

Piki stèkinan for di e pal’i mangel © Terence Ching

Metanan i Ophetivonan

  • Produsí 1440 asina yamá red mangrove plugs (MangPods) pa usa den esfuersonan di restorashon i edukashon den un aña.
  • Realisá estudionan den áreanan di pal’i mangel i determiná nan balor potensial.
  • Enbolbí e komunidat aktivamente, kual ta inkluí profeshonalnan den e indústria di airu liber, studiantenan i maestronan, esnan ku ta brinda eksperensia di biahe dor di e proyekto di adopshon, i tambe edukashon, eventonan di plantamentu, kontenido riba medionan sosial i otro métodonan di konsientisashon.
  • Investigá i promové métodonan sostenibel pa protekshon di kosta.
  • Promové protekshon i uso sostenibel di espasionan den airu liber, spesialmente áreanan di hopi awa/moeras.
  • Brinda hèrmèntnan pa sostené profeshonalnan den indústria di airu liber i esnan ku ta brinda eksperensia di biahe.

Tayer práktiko © Terence Ching

Historia di refnan

Deskubrí nos eksposishon >