Lac Pa Semper

E Proyekto di Restourashon di Koral na Lac ta dediká na restourá poblashon di koralnan ku ta rama den Bahia di Lac, ku ta un ekosistema úniko i un área protehá. E proyekto di kolaborashon akí no ta enfoká solamente riba restourashon di koral, pero tambe ta envolví e komunidat aktivamente, empoderando nos hendenan pa komprondé i sostené e ekosistema deliká akí i mira e nesesidat urgente pa restourashon di ref. Lansá na yüli 2022 ku finansiamentu di RESEMBID, e proyekto ta ser ehekutá pa Reef Renewal Foundation Bonaire (RRFB) i ta guiá pa STINAPA Bonaire komo parti di e inisiativa “Lac Pa Semper”. Aktualmente e esfuerso pa restourashon di koral ta kontinuá ku sosten finansiero di WWF-NL.

Kwekerij vertikal di koral © Lorenzo Mittiga

Esfuersonan pa Restourashon di Koral

RRFB ta trahando pa restourá dos espesie di koral ku ta rama den Bahia di Lac: staghorn coral (Acropora cervicornis) ku elkhorn coral (Acropora palmata), di kual e poblashonnan ántes tabata floresé den e bahia. Usando ténikanan inovativo di restourashon, RRFB ta traha pa salbaguardiá e kolonianan eksistente i promové diversidat genétiko den nan poblashonnan.

Resientemente, un kwekerij horizontal di kabuya a ser instalá den e parti plat di e ref patras den e bahia. E diseño horizontal úniko ta permití un kantidat grandi di koral krese den un área bastante plat, ku ta ideal pa e espesienan di koral akí. Kada kwekerij ta kontené mas ku 500 elkhorn coral (Acropora palmata) ku ta pertenesé na un variedat di genotipo di koral prosedente di kolonianan den e bahia i otro kwekerij ku tin na e kosta oksidental. RRFB a selektá genotiponan di koral ku a demostrá mas toleransia kontra temperatura mas haltu di awa, malesa, i otro menasa grandi.

Kwekerij horizontal di koral © RRFB

Envolvimentu di Komunidat i Edukashon

RRFB ta enfoká tambe pa alkansá e komunidat via programanan den skolnan lokal, presentashonnan edukativo, i aktividatnan den awa. RRFB ta eduká turistanan i hendenan lokal tokante e importansia di restourashon di koral i e vários ténikanan ku ta ser usá. Durante aña 2023, e organisashon a alkansá 1,147 hende via su seshonnan edukativo.

Kombinando esfuersonan di restourashon ku envolvimentu di komunidat, Lac Pa Semper ta demostrá e poder di maneho kolaborativo i tin komo meta protehá i revitalisá e refnan di koral den Bahia di Lac pa futuro generashonnan.

Tayer pa hóben © RRFB

Historia di refnan

Deskubrí nos eksposishon >