Earth Hour

Inisiativa Global

Rònt mundu, miónes di hende, kompanianan i munisipionan ta paga nan lusnan tur aña pa un ora durante Earth Hour, normalmente riba e último djasabra di mart, pa hala atenshon na e naturalesa frágil. Earth Hour ta un inisiativa anual di WWF internashonal (World Wide Fund for Nature). E inisiativa akí a kuminsá na 2007 na Sydney, Australia komo un akshon riba eskala chikitu ku a hala atenshon pa kambio di klima. Despues el a krese i bira e movementu di konservashon mas grandi na mundu. Ta paga lusnan mundialmente di 8:30 pa 9:30 pm ora lokal. Ademas di paga lus, WWF ta urgi pa hasi algu positivo pa Planeta Tera pa mas ku 60 minüt (p’esei e logo di 60+). Esaki por ta por ehèmpel: piki sushi den bario, resiklá mas, planta palu, etc.

A paga e lusnan no-esensial riba Emma Brùg durante Earth Hour © WWF-NL / Clayton Lanoy

Enbolbí islanan den Karibe Hulandes

Na 2023, WWF-NL a selebrá Earth Hour pa promé biaha na Kòrsou. Ku kooperashon di Curaçao Ports Authority, a paga e lusnan no-esensial riba Emma Brùg. Den Karibe, WWF-NL a kuminsá na Kòrsou promé, i tin e meta pa ekspandé pa tur isla di Reino Hulandes. Den aña 2024, gobièrnunan i kompanianan na Aruba, St. Maarten, Saba i St. Eustatius tambe a djòin e inisiativa akí! Ta importante pa e islanan partisipá na Earth Hour pasobra nos tur ta ser afektá pa kambio di klima. Islanan chikitu ta partikularmente vulnerabel pa kambio di klima. Debí na subida di nivel di laman i kalentamentu mundial, e riesgo di klima ekstremo ta haltu, manera entre otro sekura ekstremo, inundashonan severo i orkannan. Esaki tin un impakto grandi riba ekonomia di e islanan, i tambe riba bienestar i prosperidat di e poblashon.

Boluntarionan durante Earth Hour © WWF-NL / Clayton Lanoy

 

Historia di refnan

Deskubrí nos eksposishon >