Bou di Awa

Na Boneiru, hende ta dependé hopi riba oseáno i ta stima naturalesa. Pero nan no sa tur kos kon pa protehá rekursonan natural pa futuro. Nos por siña i mehorá dor di papia habrí i eksperiensiá kos huntu. Pa e motibu akí, Terramar Museum i WWF-NL a uni forsa pa krea e programa ‘Bou di Awa’. E programa di dos aña akí ta inkluí diferente aktividat ku tin komo meta pa krea orguyo i respèt pa e oseáno, ku e meta último pa kuida esaki huntu.

E aktividatnan lo ta dirigí na diferente grupo den komunidat:

  • Polítikonan
  • Hubentut
  • Públiko general

 

Pa kada grupo, nos ta organisá aktividatnan i eventonan pa kuminsá e diskushon tokante e ambiente marino di Boneiru, su importansia pa nos bida, i nos responsabilidat pa proteh’é.

Artist Café

E Artist Café ta duna e posibilidat pa mustra e historia i kultura di e isla dor di arte visual. Terramar Museum ta organisá eksposishonnan en kolaborashon ku WWF-NL tokante tur kos relashoná ku e oseáno i su alrededor. Nos ta aserká artistnan lokal pa kompartí nan trabou ku komunidat i konta nan historianan tokante e relashon ku kambia (e pasado vs awor vs futuro), diverso, i kompleho ku e komunidat lokal tin ku e oseáno i mundo submarino. Ademas di eduká e públiko, e programa akí ta sostené e desaroyo profeshonal di e artistanan i ta promové ekspreshon artístiko riba e isla.

News Café 

The news café ta un seshon di mesa ku meta pa kuminsá un debate entre hende ku ta traha den sektor públiko i privá. Ta organisá e seshonnan pa tin un debate públiko i animá ku polítikonan lokal tokante e estado di e ambiente marino (inkluso peskería), kiko a kambia durante e aña, nan vishon pa Boneiru i su ambiente marino i nos responsabilidat i nesesidat pa realisá e vishon akí.

Diskushon na News Café

Cinema Club

Terramar Museum ta organisá programanan di pelíkula alternativo ku ta trata asuntunan sosial relashoná ku bida marino i peskería na Boneiru i den e region. E aktividat akí ta atraé personanan ku ta gusta siña visualmente. Pelíkulanan selektá ta wordu mustrá pa un período di un siman, kombiná ku un momentu di diskushon despues.

Historia di refnan

Deskubrí nos eksposishon >