Water Circles

Maneho di awa sushi

Water Circles ta un kolaborashon entre Wereld Natuur Fonds, STINAPA, Water en Energiebedrijf Bonaire N.V. (WEB), Entidat Públiko Boneiru, Fundashon Maridal i Water Alliance. Nan ta traha huntu pa krea solushonnan alternativo pa e problema di awa sushi na Boneiru. E meta prinsipal di e proyekto di Water Circles ta pa e awa sushi na Boneiru no resultá den oséano, kreando un menasa pa e refnan di koral, nos salú i seguridat. Water Circles ta enfoká pa haña solushonnan resiklá awa sushi.

E proyekto aki ku ta dura 3 aña, lo krea 5 proyekto piloto pa desentralisá purifikashon di awa sushi, usando teknología inovativo pa purifiká awa sushi (ekológiko). E proyektonan piloto eksitoso por bira un ehèmpel pa otro lokalidatnan na Boneiru i pa e region. Aparte di esei, den e proyekto aki,  téknikonan ta ser instruí lokalmente dor di ofresenan un módulo di purifikashon di awa durante nan estudio di MBO. Aparte di purifikashon di awa sushi desentralisá, WEB lo traha tambe riba solushonnan ku Entidat Públiko di Boneiru pa ekspandé e kapasidat di RWZI pa fangu e awa sushi adishonal ku drenta. Entidat Públiko di Boneiru a pidi finansiamentu pa ekspandé e sistema di riolering i pa desaroyá un vishon integrá riba maneho di awa sushi.

 

Water purification in Bonaire, Dutch Caribbean
Yachts in Bonaire, Dutch Caribbean
Reuse of wastewater to water the plants

Komo parti di e proyekto di Water Circles, e enfoke tambe ta riba doñonan di yate- i botonan. Yate- i botonan grandi no mag deskargá den e parke natural, ku tin un profundidat limitá di 60m, pero te na ora ku no tin fasilidatnan pa desasí di e awa sushi, e regla aki no ta ser apliká pa STINAPA. Awa sushi no ta inkluí den e kontrato di mara boto. Un fuente importante di kontaminashon ta yatenan di plaser, spesialmente esunnan ku ta mara riba e ref na buinan. E últimonan aki ta benta nan tanki di awa sushi mesora òf kada 2 pa 3 dia direktamente riba e ref.

E subproyekto di yatenan ta enfoká riba un solushon pa fasilitá e entrada di awa sushi. Na òktober 2021, Harbor Village Marine (HVM) a invertí den e instalashon di pòmp pa awa di riol i un tanki di reserve di 20m3 pa kolektá awa sushi di yatenan. Téknikamente, e sistema di pòmp ta kompletamente operashonal. Sperando riba e solushon definitivo pa di un manera adekuá desasí i trata e awa sushi ku a kolektá, HVM ta kuminsá pòmp e yatenan ku ta den haf.

Un di e desafíonan ku e subproyekto aki tin ta ku e awa sushi di e yatenan ta kontené hopi salu, komo ku hopi nabegante ta flush nan wc ku awa di laman. E konsentrashon di salu a resultá asina haltu ku, sin mas evaluashon, e fluho di esaki no por ser akseptá pa WEB pa bai  di e riol públiko pa Waste Water Treatment Plant (WWTP) sin tuma nota ku e konsekuensianan ku e por tin pa e awa di riol. Komo ku e awa purifiká (awa di riol) di WWTP ta ser usá un biaha mas i ta ser bendí na resortnan, e mester tin algun kriteria di kalidat.

Pa garantisá ku e purifikashon di awa sushi di yatenan no ta krea problemanan nobo, e tim di Water Circles a enkargá konseheronan di Royal Haskoning DHV pa haña e solushon mas adekuá pa trata e awa sushi salu di yatenan. Basá riba nan rekomendashonnan, un tèst di purifikashon di awa sushi salu lo keda realisá den 2022. Un otro plan ta pa trese un boto ku ta pòmp awa na e isla, ku por kolektá awa sushi di yatenan ku ta mará na Playa Lechi, sin ku e botonan mester drenta i sali e haf kada bes. E boto aki tambe por ofresé e posibilidat pa duna servisionan adishonal.

Lesa mas di e proyekto Water Circles den e foyeto akí.

 

Taking water monsters from yachts in Bonaire, Dutch Caribbean