Kon Nos ta Protehá Bo Privasidat

Wereld Natuur Fonds (en adelante: WWF-NL) ta prosesá datonan personal i ta usa ‘cookies’. Den e deklarashon akí di privasidat nos ta informá bo tokante e propósito pa kual datonan personal ta ser prosesá, kon bo por ehersé bo derechinan di privasidat, i otro informashon ku por ta di interes pa bo. E deklarashon akí di privasidat ta aplikabel p’e informashon ku ta ser optené i prosesá pa  WWF-NL solamente riba e website www.wwfdutchcaribbean.org.

Ki ora nos ta kolektá bo datonan?

Nos ta kolektá dato kada biaha ku bo interkambiá ku nos. E tipo di dato ku nos ta kolektá ta dependé di e motibu pa kual bo ta dunando e dato.

  • Nos ta kolektá informashon ora bo duna nos bo datonan via e formulario di kontakto riba e wèpsait, òf ora bo manda nos un e-mail.
  • Ora bo bishitá nos wèpsait, nos ta kolektá informashon via hèrmèntnan (‘tools’) manera ‘cookies’.

Dikon nos ta usa bo datonan?

Nos ta usa datonan personal pa diferente motibu, manera:

  • Pa kumpli ku e relashon ku bo a drenta ku nos i pa kontestá personalmente bo preguntanan òf komentarionan ku bo a laga pa nos via e formulario di kontakto òf via e-mail
  • Pa funshonamentu di e wèpsait
  • Pa monitoriá e funshonamentu di e wèpsait
  • Pa mehorá i optimalisá e wèpsait i servisio

Kon nos ta kolektá bo datonan personal?

Nos ta usa diferente método pa kolektá dato for di bo i tokante di bo, inkluso pa medio di:

  • Interkambio direkto: nos ta haña informashon direkto di bo, por ehèmpel ora bo yena e formulario di kontakto òf manda nos e-mail.
  • Teknologia òf interkambio outomátisá: ora bo bishitá nos wèpsait, nos ta kolektá dato via ‘cookies’. E datonan ta yuda nos pa komprondé mihó kon pa dunábo informashon tokante nos mishon i pa komuniká mas efektivamente. Si bo no ke aseptá ‘cookies’, bo por ‘set up’ bo ‘browser’ pa rechasá ‘cookies’.

Kua datonan nos ta prosesá?

E informashon ku nos ta kolektá di e interkambionan ariba menshoná ta inkluí:

  • Bo nòmber, e-mail adrès, kualke informashon ku bo mes duna komo kontenido di un mensahe òf e-mail
  • Detayenan di bo bishita na nos website, inkluso informashon tékniko manera IP adrès (anónimo), dato di lokalidat, dato tokante bo aktividatnan riba nos wèpsait, internèt ‘browser’ i tipo di aparato

Nos Base Legal Pa Prosesá Dato

Tur nos uso di dato personal ta di akuerdo ku e Regulashon General di Protekshon di Dato (RGPD) ku ta aplikabel. Lei ta rekerí pa nos prosesá solamente dato kaminda nos tin base legal bálido pa hasi esei. Nos ta prosesá dato ora ta nesesario pa tantu abo komo nos interesnan legítimo i si e ta fundamentalmente legal. Nos interesnan legítimo ta inkluí dirigí nos organisashon i komprondé esnan ku ta sostené nos i sigui nos.

Na ken nos ta duna bo datonan?

Nos no ta duna bo datonan na terser partido pa propósitonan komersial. Si ta nesesario i pa por brinda nos servisio, nos por duna bo dato personal na nos provedornan (sea den òf pafó di e Área Ekonómiko Europeo) kendenan ta sostené nos den nos proseso di negoshi i ku kende nos tin un akuerdo di prosesamentu di dato. Nos ta hasi esaki solamente si tin un nivel apropiá di protekshon pa prosesamentu di datonan personal.

Pa kuantu tempu nos ta keda ku bo datonan?

Nos lo keda ku bo informashon personal solamente tanten ta nesesario p’e propósito pa kual el a ser kolektá. Ora ta trata di datonan ku bo a duna via e formulario di kontakto òf e-mail, nos lo usa esaki pa atendé bo petishon òf pregunta di forma apropiá, te ora nos haña ku bo ta kontentu ku nos kontesta.

Kiko ta bo derechinan?

Den e RGPD bo tin vários derechi riba bo datonan personal. Bo tin derechi di:

  • Aksesá bo datonan personal

Bo tin derechi di pidi akseso na bo datonan personal.

  • Derechi di rektifikashon

Bo tin derechi di koregí òf suplementá e datonan personal ku nos ta prosesá tokante bo, si nan ta inkorekto òf inkompleto.

  • Derechi di retirá bo konsentimentu

Semper bo por retirá bo konsentimentu fásilmente.

  • Derechi di oposishon/opheshon

Bo por oponé kontra e prosesamentu di bo datonan personal.

  • Derechi pa kita bo datonan

Bo por pidi pa nos ‘delete’ bo datonan personal.

  • Derechi di portabilidat di dato

Si ta téknikamente posibel, bo tin derechi di laga transferí bo datonan personal ku nos ta prosesá tokante bo, na un terser partido.

  • Derechi di restrikshon di prosesamentu

Den algun kaso, bo por pidi pa restringí e prosesamentu di bo datonan personal (temporalmente òf otro), loke ta nifiká ku nos ta prosesá ménos dato tokante bo.

Si bo ke manda un petishon, indiká klaramente ku ta trata di un petishon a base di RGPD. Por fabor tuma nota ku nos no por ‘delete’ dato si nos tin ku keda kuné ainda debí na un periodo legal di retenshon. Bo por manda bo petishon via caribbean@wwf.nl. Nos lo verifiká bo identidat ora bo manda nos un petishon.

Keho

Si bo tin un keho òf otro preguntanan tokante bo privasidat, nos lo hasi loke nos por pa resolvé esakinan huntu ku bo. Por fabor informá nos via caribbean@wwf.nl.

Si di otro banda bo ta haña ku nos no por a yuda bo ku bo keho òf preokupashon,  e ora ei bo tin derechi di duna un keho n’e outoridat di protekshon di data na Hulanda, ku ta e ‘Dutch Data Protection Authority’ (e Outoridat Hulandes pa Protekshon di Dato).

Lenknan Pa Otro Wèpsait

E wèpsait akí ta kontené lenk pa páginanan eksterno di internèt. WWF-NL no ta responsabel pa uso ni kontenido di páginanan di internèt pa kual un lenk ta inkluí riba e wèpsait akí, ni pa páginanan di internèt riba kual tin un lenk inkluí pa yega n’e wèpsait e akí. Nos Deklarashon di Privasidat i ‘Cookie’ no ta apliká pa datonan personal di bo ku a ser kolektá i prosesá riba òf via di e wèpsaitnan eksterno akí. Por fabor lesa e deklarashon di privasidat di e ‘site’ ku bo ta bishitando.

Kiko ta ‘cookies’?

Riba e wèpsait akí nos ta usa ‘cookies’. Un ‘cookie’ ta un pida chikitu di dato (‘file’ di teksto) ku un wèpsait –ora el a ser bishitá pa un usuario – ta pidi bo ‘browser’ pa warda esaki riba bo aparato p’asina kòrda informashon tokante bo.  Por ehèmpel, un ‘cookie’ ta graba e preferensianan di un bishitante, di manera ku e wèpsait ta ser adaptá outomátikamente na esakinan, na momentu di un siguiente bishita.

Uso di ‘cookies’ ta di gran importansia pa un bon funshonamentu di nos wèpsait, pero ‘cookies’ di kual bo no ta mira nan efekto inmediatamente tambe ta hopi importante. Danki n’e informashon (anónimo) di nos bishitantenan, nos por mehorá e uso di e wèpsait i hasié mas fásil pa usuarionan por usa.

Kua ‘cookies’ ta ser usá?

E wèpsait akí ta usa solamente ‘cookies’ ku ta nesesario. WWF-NL ta usa ‘cookies’ di Google Analytics. Èkstra protekshon pa privasidat a keda establesé pa usa e ‘cookie-nan’ akí. WWF-NL a yega na un akuerdo di prosesamentu ku Google, antó IP adrèsnan di usuarionan ta anónimo, e ‘setting’ di ‘data sharing’ ta pagá, i niun otro servisio di Google ta ser usá den kombinashon ku e ‘cookies’ di Google Analytics. Ta p’esei lo bo haña e ‘cookies’ di Google Analytics bou di “Cookies nesesario” den nos resúmen di ‘cookies’. Den e tabèl akibou lo bo haña un resúmen di e ‘cookies’ ku nos ta usa.

Nos ke hala bo atenshon tambe na e siguiente kategorianan di ‘cookies’:

  • ‘First party cookies’ (‘Cookies’ di promé partido) ta ‘cookies’ ku a ser poné pa e wèpsait ku bo ta bishitando. Solamente e wèpsait ei por lesa nan. Ademas, un wèpsait por usa servisionan di un terser partido, ku tambe ta pone nan propio ‘cookies’, kual ta konosí komo ‘Third Party Cookies’ (‘Cookies’ di terser partido).
  • ‘Cookies’ persistente ta ‘cookies’ ku ta ser wardá riba bo kòmpiuter i no ta ser ‘deleted’ outomátikamente ora bo sera bo ‘browser’. Di otro banda, un ‘cookie’ di seshon (‘session cookie’) si ta ser ‘deleted’ ora bo sera bo ‘browser’.

Pèrmit Pa Uso Di ‘Cookies’

Bo pèrmit ta rekerí pa uso di sierto ‘cookies’. No ta rekerí pèrmit pa e ‘cookies’ ku nos ta usa, kualnan ta estriktamente nesesario.

Aktivá i Desaktivá ‘Cookies’

Bo por pone bo ‘web browser’ pa aseptá di warda ‘cookies’ solamente ku bo konsentimentu. Pa mas informashon, por fabor referí n’e manual di bo ‘browser’. Por fabor tuma nota: hopi wèpsait no ta funshoná optimalmente si e ‘cookies’ ta desaktivá.

Na kualke momentu, bo por blòkia ‘cookies’ fásilmente bo mes, òf ‘delete’ nan via bo internèt ‘browser’. Tambe bo por pone bo internèt ‘browser’ pa bo risibí un mensahe ora un ‘cookie’ keda poné. Bo por indiká tambe ku sierto ‘cookies’ no tin mag di ser poné. Wak e funshon di yudansa (‘help’) di bo ‘browser’ p’e opshon akí. Si bo ‘delete’ e ‘cookies’ den bo ‘browser’, esaki por tin konsekuensia pa ku uso plasentero di e wèpsait akí.

Por fabor tuma nota  ku si bo no ke niun ‘cookies’, nos no por garantisá ku nos wèpsait lo funshoná bon ainda. Algun funshon di e wèpsait por bai pèrdí, òf kisas lo bo no por bishitá e wèpsait mes.

How you can adjust your settings differs per browser?

Por fabor referí n’e funshon di yudansa di bo ‘browser’ òf klek riba un di e lenknan akibou pa bai direktamente n’e manual di bo ‘browser’.

Siguridat

WWF-NL ta garantisá e siguridat organisatorio, tékniko i físiko adekuá di su sistemanan den kual bo datonan ta keda wardá. Di e manera akí nos ta sigurá ku bo datonan ta aksesibel solamente pa personanan outorisá pa motibu di nan posishon, i ku e datonan ta ser usá solamente p’e propósito pa kual nan a ser optené.

Ken nos ta?

WWF-NL, lokalisá na (3708 JB) Zeist na Driebergseweg 10, ta responsabel p’e prosesamentu di datonan personal. WWF-NL ta parti di e ret global di WWF ku ta aktivo den mas ku 100 pais rònt mundu. Tur lokalidat rural ta traha n’e mishon komun di krea un futuro den kual hende i naturalesa ta biba den harmonia.

E deklarashon akí di privasidat ta apliká solamente n’e informashon kolektá i prosesá pa WWF-NL riba e website www.wwfdutchcaribbean.org. Pa kualke pregunta ku bo por tin, por fabor tuma kontakto ku caribbean@wwf.nl.

Kambio den e Deklarashon di Privasidat

Nos por aktualisá e deklarashon akí na kualke momentu pa kumpli ku kualke desaroyo nobo i kambionan den protekshon di dato òf otro legislashon. Si tin mas kambio n’e deklarashon akí, nan lo ser publiká riba e página akí.

Historia di refnan

Deskubrí nos eksposishon >