Plèstik: ta mata i ta hasi daño na bida marítimo
Kiko ta pasando?
Kada ora, un montante di plèstik ta bin terminá den laman i ku esaki por yena 11 pisina olímpiko. Esaki ta 11 mion tòn di plèstik pa aña i e ta sigui krese tur ora. Nos a produsí mesun hopi plèstik den e último 20 añanan manera 80 aña prome. Esaki lo dòbel den 2050 si nos no aktua awor. Sushi den oséano tin biaha ta bin di konteinernan ku ta kai for di barkunan durante tormentanan òf e ta konsistí di materialnan di peska ku ta keda perdí durante piskamentu. Pero loke ta destruí mas tantu ta e sushi ku ta bula di kayanan, bai den riunan i laman. Hopi sushi ta bini di lentfilnan ku ta terminá den riunan òf di lentfilnan ku ta asta keda direktamente na laman.
Gran parti di e sushi aki ta konsistí di plèstik. Una bes e ta den laman, kasi e no por kibra òf e ta kibra hopi pokopoko i por drif ku e koriente di laman pa hopi aña. Esaki ta akumulá i bira ‘islanan di plèstik’ i ta drif bini tera. E plèstik ku ta terminá den laman no ta digerí. E ta kibra den pidanan mas chikitu, ku ta bira mas i mas tóksiko. Dor di tur e pidanan chikí di plèstik den laman, e oséano ta bira un sòpi di plèstik.
Un sòpi di plèstik. © WWF-NL / Emieck de Goede
Mas ku 100 mion animal ta muri tur aña pa motibu di plèstik
Plèstik riba refnan di koral
Stoma yen di plèstik
Mikro-plèstik den nos kuminda
Kiko abo sa di plèstik?
Kuantu plèstik di un solo uso nos ta usa?
Kon lihé un skeiru di djente ta dekompositá?
Kuantu daño sigarianan por hasi na nos planeta?
Kiko WWF ta hasi?
Plèstik ta ser hañá den e nivel mas dip di oséano, asta den eis ártiko. Esaki ta un ehèmpel klaro di nos marka riba tera. Nos ta traha lokalmente pa krea konsientisashon di e importansia di un laman saludabel. Por ehèmpel, dor di organisá dianan spesial di oséano, ku limpiamentu di playa- i riunan i tambe benta di produktonan lokal ku ta ser trahá ku materialnan di resiklahe. Tambe nos ta hasi kampaña lokal pa konsientisá hendenan di e nesesidat pa keda mantené e laman limpi.
WWF-NL a tuma akshon kontra polushon di plèstik i mundialmente a bin ku proyektonan na Hulanda, Asia, Suramérika i Karibe. Di mobilisá hende, te pa atendé ku e problema di plèstik den un siudat grandi riba laman.
