Sin Oséano, No Tin Bida
Nos Mester di Oséanonan Sano
Oséanonan ta produsí mas ku mitar di oksígeno ku nos ta inhalá. Nan ta duna biyones di persona kuminda i entrada. Oséanonan tambe ta kas di hopi espesie bunita, di plankton chikí te e animal mas grandi na mundu: e bayena blou. Pero, nos oséanonan ta kore peliger.
Pa siglonan a hasi dimas uso i a neglishá oséanonan. Loke antes tabata oséanonan riku a bira un paisaje salvaje grandi blou.Awor ta e momentu (aktualmente ayera) pa kambia e manera ku nos ta mira nos oséanonan. No ta e kaminda pa benta nos sushi i saka piská ilimitá. Nan ta fuente di bida, pa naturalesa i tambe pa nos. Nos mester aktua awor pa restourá e salú di e oséano. E solushonnan ta serka di nos alkanse.
Ya kaba nos a pèrde mitar di nos koral- i palunan di mangel, algun di e áreanan marítimo mas produktivo na mundu. Nos a trese hopi sorto di piská den peliger, menasando kosto di bida di hende i seguridat di kuminda. Tambe e ta afektá otro espesienan, inkluyendo paranan di laman, turtuganan i dolfeinnan.
E problema ta mas grandi den áreanan ku ta keda na kosta, ku ta kas di hopi espesie inusual. E luganan aki hopi biaha ta riku na piská i otro rekursonan ku hende gusta usa. Ta nèt den e regionnan aki tin hopi hende ta biba serka di otro. Komunidatnan serka di kosta ta birando kada bes mas vulnerabel. Nan ta e promé ku ta keda afektá pa eroshon, nivel haltu di laman, wer ekstremo i skarsedat di kuminda. E desasternan aki usualmente ta ser kousá pa pérdida di protektornan natural di kosta manera rif, palu di mangel i lima.
Polushon, di plèstik te awa sushi te kímiko agrikultural, ta daña naturalesa i ta krea polushon na e kadena di kuminda. Kambio di klima ta hasi e oséano mas kayente i mas ásido, loke ta un desaster si no kontrolá esaki.
Nos ta traha ku e populashon lokal, kompanianan i gobièrnunan pa restourá e salú di nos oséanonan pa hende i pa naturalesa. Our goals: By 2030, 30% of the areas that we protect from WWF-NL (including the Caribbean Netherlands) will be well managed through a sustainable approach. By 2030, the number of sustainable fisheries worldwide will be doubled.
-
1
Áreanan marítimo ku ta protehá
Ku un ret di áreanan marítimo ku ta protehá, nos por restourá i protehá e naturalesa bou di laman. E koralnan i tur bestianan di laman por haña un alivio.
-
2
Peskeria sostenibel
Huntu ku e piskadonan, gobièrnunan i e populashon lokal, nos ta trahando riba alternativanan sostenibel, manera un eskape pa turtuganan den nèt.
-
3
Stòp polushon di plèstik
Nos ta trata di stòp e kantidat enorme di plèstik ku tin den nos laman pa medio di proyektonan di resiklahe. Tambe nos ta yuda organisá dianan di limpiesa na bichnan lokal.
-
4
Kambio di Klima
Si nos restourá bida marítimo, e lo ta mas resiliente pa kambionan di klima. Un ehèmpel, nos por kultivá koralnan.