Investigashon: Historia di Refnan di Koral

WWF-NL ta desaroyando un ekshibishon online interaktivo ku lo demostrá visualmente e historia di refnan di koral den Karibe Hulandes. E ekshibishon lo enfoká riba e bunitesa i biodiversidat di nos refnan aktual i di pasado, i lo ser usá pa WWF-NL halsa konsientisashon tokante e importansia di protehá refnan di koral den nos region.

© Willem van de Poll, Nationaal Archief

Bo tin portrètnan òf videonan bieu ku ta mustra e refnan di koral di Boneiru, Saba, St. Eustatius, Kòrsou, St. Maarten, òf Aruba? Portrètnan saká for di un ángulo hanchu ku ta mustra un área un tiki grandi di e ref, i kaminda bo por spesifiká e nòmber di e sitio kaminda a sambuyá i e aña ku a saka e portrèt lo ta ideal. Pero kualke imágen ku ta mustra kon nos koralnan tabata den pasado lo ta benefisioso pa preservá komo parti di nos proyekto. E por ta un imágen di ayera, òf for di tempu ku kámaranan pa saka portrèt bou di awa a kaba di ser inventá. Un dato kurioso: e promé imágen bou di awa a ser kaptá for di 1856!

Un di e metanan prinsipal ku WWF-NL ta traha na dje, ta pa preservá e refnan di koral úniko den Karibe Hulandes. Antó e propósito di e proyekto akí ta pa mustra si i kon e refnan di koral a kambia durante tempu. Bo portrètnan i videonan por yuda nos konta e historia akí.

Ku bo pèrmit, e materialnan kolektá lo ser hasí disponibel pa trabounan di konservashon den futuro via un archivo online. Manda un email na caribbean@wwf.nl i por fabor bo indiká e aña, isla, lokalidat, i fuente (si esaki ta disponibel).

Corals in Bonaire, Dutch Caribbean
Corals in Bonaire, Dutch Caribbean
Tidal pool coral

Dor di manda material(nan) pa WWF-NL, bo ta bai akuerdo ku e siguiente términonan:

  • E portrètnan/videonan/etc. ku bo manda, ta abo mes a saka nan. No ta pèrmití pa manda material ku no ta di bo. Bo ta garantisá WWF-NL ku e material no ta violá niun derecho di propiedat intelektual ni derecho di uso di terser partidonan.
  • Personanan di 16 aña bai ariba por partisipá. Pa muchanan bou di 16 aña ta rekerí un pèrmit por eskrito di e mayornan.
  • Ora bo email un òf mas portrèt/video/otro material, bo ta bai di akuerdo ku WWF-NL por usa e materialnan akí pa un ekshibishon online ku lo ser konektá na e website di WWF Dutch Caribbean.
  • WWF-NL tin e derecho di ahustá e materialnan n’e mihó tamaño ku ta kuadra ku e ekshibishon online promé ku publiká nan.
  • WWF-NL no debébo niun kompensashon pa uso di e material(nan).
  • Krédito ta ser inkluí ku bo nòmber i/òf organisashon riba e material(nan). Den kaso di omishon òf eror, lo no duna niun kompensashon na e doño di e material(nan).
  • Si bo portrèt ta inkluí hende, bo mester pidi nan pèrmit promé, pa por publiká esaki. Dor di manda bo portrèt na caribbean@wwf.nl, bo ta konfirmá ku bo a haña e pèrmit akí.
  • WWF-NL lo no usa bo material(nan) ni nòmber pa otro propósito ku no ta esnan deskribí.
  • Bo tin e derecho di hala aden bo konsentimentu dor di manda un email na caribbean@wwf.nl.
  • Pa mas informashon tokante kon nos ta atendé ku bo datonan, por fabor referí na e privacy statement.

Historia di refnan

Deskubrí nos eksposishon >