Investigashon di karkó a kuminsá na Boneiru

E investigashon di karkó ku ta yama ‘Conquer the Future’, a kuminsá na Boneiru. Danki na esfuersonan konhunto, karkó hubenil ku ta kriá a ser transportá den boto for di Kòrsou pa Boneiru. Ta pone e karkónan akí den laman na Sorobon ku e meta pa reforsá e poblashon natural di karkó.

 

Queen Conch Hatchery na Curaçao Sea Aquarium ta proveé e karkónan hubenil pa e investigashon i a pone fasilidatnan disponibel pa prepará e transporte bon. Despues di e biahe ku boto, e karkónan ta bai den un área protehá den e yerbanan di laman na Sorobon pa nan por kustumá den un ambiente sigur. Tabatatin un tiki prekupashon ora e kontaminashon di zeta a pasa na Boneiru, pero afortudanemente tabatin tiki pidanan di zeta rondó di e kouchi’. E kontanimashon di zeta no tabatin impakto riba e karkónan i e karkónan ta saludabel. Despues ku e karkónan a kustumbrá, lo laga nan den bahia di Sorobon pa non move libermente. Tags ku transmisornan ta ser poné riba e karkónan pa monitoriá nan kresementu i chèns pa sobrebibensia.

FKUP tabata responsabel pa e transpòrt di karkónan di Kòrsou pa Boneiru

Esfuerso konhunto

Pa reforsá e poblashon di karkó, bo no por pone karkónan chikí den laman bo so. Bo mester traha ku organisashonnan di naturalesa, piskadónan i gobièrnu tambe. Pa transportá e karkónan kriá ku boto for di Kòrsou pa Boneiru, mester a pidi permitnan. Tambe pa pone e karkó den laman, mester tin un permit di naturalesa. “Federashon Kooperativanan Uní di Produkshon (FKUP) a kordiná e biahe pa Boneiru. Promé ku nan yegada, un tim ku ta inkluí miembronan di koperativa di peska PISKABON i stazjèr Claudia Tonnis a konstruí i instalá e kouchi. Rangers di STINAPA a yudá e stazjèr  pa pone e karkónan den laman. E grupo akí tambe a segurá ku e karkó por a wordú aprobá rápido pa transportá esaki na e kouchi na Sorobon, ya e karkó por aklimatisá. Hopi man ta hasi e trabou fásil.”, e lider di e proyekto i biólogo marino Michiel van Nierop ta bisa.

Miembronan di PISKABON i stazjèr Claudia trahando e kouchi

Ranger di STINAPA ta yuda midi e karkónan

Pa stimulá koperashon den e proyekto, a firma un akuerdo entre koperativanan di peska na Kòrsou i Boneiru, FKUP i PISKABON, STINAPA i Wereld Natuur Fonds (WWF-NL). STINAPA ta responsabel pa supervishon di e proyekto. ‘Conquer the Future’ ta risibí sosten finansiero di WWF-NL i Seacology.

Historia di refnan

Deskubrí nos eksposishon >