Nos Enfoke

Nos ta hasi tur loke nos por huntu ku partnernan lokal pa protehá i restorá e medio ambiente marino den Karibe Hulandes. Kon realmente nos ta hasi esei, esta protehá e medio ambiente marino?

Metanan

Miéntras e impakto di kambio di klima ta oumentando den forma di oséanonan ku ta birando mas ásido, temperatura di laman ku ta subiendo, i mas, nos meta ta pa konektá e kompromiso mundial pa redusí emishonnan di CO2 na formashon di ekosistemanan na kosta resiliente i espesienan emblemátiko saludabel ku por resistí e preshonnan akí. WWF-NL su dos metanan prinsipal di konservashon riba término largu pa Karibe Hulandes ta:

Ophetivonan

Lo realisá e metanan aki dor di pone enfasís riba e tres ophetivonan pa término largu:

  1. Redusí menasanan kousá pa hende kontra ekosistemanan na kosta, inkluyendo zero awa sushi i sushi riba tera den zonanan di kosta pa 2030.
  2. Mehorá e salú di refnan di koral i habitatnan di kosta dor di restourashon aktivo i e implementashon di solushonnan inovativo basá riba naturalesa i protekshon pa 2030.
  3. Establesé rutanan di migrashon (ku ta yama Blue Corridors) pa bayena i turtuga pa 2030.

 

Mas informashon profundo tokante e manera kon nos ke logra e metananan pa ku konservashon via e programa marino pa Karibe Hulandes di WWF-NL pa e añanan 2022-2027, por lesa akí.

Nos ophetivo ta pa duna inisio na, fasilitá i sostené inisiativanan lokal i tambe desaroyá proyektonan nobo den kooperashon ku organisashonnan lokal i regional. Kaminda ta posibel, WWF-NL lo enbolbí komunidatnan lokal i konsientisá nan tokante e nesesidat pa sostené e medio ambiente natural i e menasanan ku esaki ta enfrentá, p’asina krea un mundu den kual hende i naturalesa ta biba den harmonia.

Konsientisashon i Polítika

Nos lo hasi esaki dor di sostené i ehekutá programanan edukashonal en general i na skolnan, krea eventonan pa i huntu ku komunidatnan lokal, i sigurá partisipashon di ‘stakeholdernan’ lokal den proseso di tuma desishon. Esaki mester hiba na un oumento den konosementu, mas sosten di organisashonnan lokal pa huntu alkansá metanan di konservashon, i mas benefisio p’e komunidatnan akí.

WWF-NL i su ret mundial ta permití nos pa duna apoyo i direkshon na organisashonnan lokal, mehorá gobernansa, yuda (ko-)desaroyá Áreanan Marino Protehá, implementá plannan pa maneho di peska, sostené restorashon aktivo di naturalesa, i konektá e aspektonan akí ku otro pa duna un vishon general di loke por ser lográ.

Tidal pool brain coral and sea urchin
Sea horse, Dutch Caribbean

Historia di refnan

Deskubrí nos eksposishon >