Programa di Investigashon di Bayena i Dòlfein den Karibe

E programa di investigashon di bayena i dòlfein Ti Whale An Nou a kuminsá riba 25 di mart 2022. E ekspedishon ta trese dilanti e diversidat, migrashon i kantidat di bayena i dòlfein den Karibe. Entre mart i sèptèmber 2022 tin 6 ekspedishon sientífiko di 15 dia lo tuma lugá. A base di e resultadonan por ser konstatá kiko ta nesesario pa brinda un mihó protekshon na e mamíferonan marítimo grandi aki. E ekspedishon ta ser kordiná dor di Caribbean Cetacean Society i hasí posibel dor di diferente partner.

Promé Observashonnan

E nòmber di e proyekto di investigashon ta un kombinashon di kreol franses i ingles i ta nifiká nos bayenanan chikí. Resientemente e promé ekspedishon a finalisá. Den 12 dia CCS a registrá 9 sorto entre Martinique ku Grenada. E tim di investigashon a sigui un grupo di Orka na St. Vincent i nan por a observá tambe diferente otro tipo di bayena i dòlfein manera ‘Fraser-dolfijnen, pantropische gevlekte dolfijnen, grienden, bultruggen, potvissen, dwerg potvissen, dwerg orka’s’.

Riba e último dia por a nota tambe ku 18 bayena a ser matá na St.Vincent. E notisia kruel aki ta konfirmá e importansia di protehá mamalnan marítimo. E siguiente ekspedishon lo tuma lugá di 15 pa 27 di aprel i lo ta konsentrá riba e islanan entre Martinique ku Montserrat.

Fraser’s dolphins. © Caribbean Cetacean Society

Desaroyo di Kapasidat

E di tres ekspedishon lo tuma lugá di 17 di mei pa promé di yüni i ta habrí pa kantidatonan di Karibe Hulandes. Habitantenan di Karibe Hulandes por hasi uso di e oportunidat úniko pa forma parti di e tim di ekspedishon di Ti Whale An Noun a bordo pa asina siña di e trabou ku nan ta hasi i tambe pa kontribuí na e proyekto di investigashon importante aki. E tim ta bai studia e zona entre Montserrat ku Anguilla, ku ta enserá e islanan Sint Maarten, Statia, Saba i e Saba Bank. E meta di e ekspedishon ta tambe pa desaroyá kapasidat pa mehorá e abilidatnan di personanan lokal pa por studia bayena i dòlfèin.

Opservá bayena i dòlfein durante e ekspedishon. © Caribbean Cetacean Society

Importansha pa Islanan di Karibe

Dor di e investigashon aki ta bin bista riba e rutanan di migrashon di e mamíferonan marítimo i e ta brinda di e forma aki e posibilidat pa por protehá e animalnan mihó. Un populashon stabil di bayena i dòlfein ta un indikashon di e un oséano saludabel. Den oséanonan saludabel tin tambe un bon kantidat di piská den e awanan kual ta di importansia pa peska. I esaki ta importante pa ekonomia di e islanan.

Ademas bayenanan ta hunga un ròl grandi den saka karbodióksido (CO2) for di atmósfera. Kada bayena grandi ta isolá un promedio di 33 tonelada di karbodióksido i ta hunga un ròl den e lucha kontra kambio di klima. E mishon di investigashon ta risibí sosten grandi di Wereld Natuur Fonds, Dutch Caribbean Nature Alliance, Corail Caraibes, Orange, EDF Group Foundation, Animal Wellfare Institute, en Parc Naturel Régional de la Martinique.

Sperm whale. © Caribbean Cetacean Society

Resultadonan 2021

Aña pasá a hasi e proyekto di investigashon aki pa promé bia. Den 2021 a identifiká 17 sorto, a registrá 191 observashon visual i 29 famia di ‘potvis’. Banda di esaki tabata tin grabashon akústiko di orka (Orcinus orka) na India oeste i e promé identifikashon di e sorto aki na Martinique. CCS a mira tambe un sorto skars di orka (Feresa attenuate) den e Yarari Marine Mammal and Shark Sanctuary rondo di Saba, St. Maarten i Statia. E estudio aki tabata un promé paso pa skèts situashon di tiponan di bayena den Karibe. Por haña tur resultado riba https://www.ccs-ngo.com/ti-whale-an-nou.