Riba e páginanan di Facebook i Instagram di WWF Dutch Caribbean nos ta presentá e ‘Portrèt di naturalesa di e luna akí’. Bo gusta saka portrèt di naturalesa i bo ke mira bo portrèt riba nos medionan sosial e próksimo luna? Awèl manda bo portrètnan na caribbean@wwf.nl! Ken sa si lo bo risibí un mensahe bisando ku bo imágen a ser selekshoná. Ora bo partisipá na e serie di ‘Portrèt di naturalesa di e luna akí’ bo ta bai di akuerdo ku lo siguiente:

• Bo a saka e portrèt(nan) bo mes. No ta pèrmití pa manda portrèt di otro hende. Bo ta garantisá WWF-NL ku e portrètnan no ta violá niun derecho di propiedat intelektual ni derecho di uso di terser partidonan.
• Personanan di 16 aña bai ariba por partisipá. Pa muchanan bou di 16 aña ta rekerí un pèrmit por eskrito di e mayornan.
• Ora bo email un òf mas portrèt bo ta bai di akuerdo ku WWF-NL por usa e portrètnan akí riba e páginanan di Facebook i Instagram di WWF Dutch Caribbean.
•  WWF-NL tin e derecho di ahustá e portrèt n’e mihó tamaño ku ta pas ku e plataforma di medio sosial promé ku post e.
• WWF-NL no debébo niun kompensashon pa uso di e portrèt(nan).
• Si e portrèt keda di post riba e páginanan di Facebook i Instagram di WWF Dutch Caribbean, bo ta bai di akuerdo pa ser menshoná i di tag den e post.
• Krédito di e portrèt ta ser inkluí ku bo nòmber riba e imágen. Den kaso di omishon òf eror, lo no duna e fotógrafo niun kompensashon.
• Si bo portrèt ta inkluí hende, bo mester pidi nan pèrmit promé, pa por publiká esaki. Dor di manda bo portrèt na caribbean@wwf.nl, bo ta konfirmá ku bo a haña e pèrmit akí.
• WWF-NL lo no usa bo portrèt ni nòmber pa otro propósito ku no ta esnan deskribí.
• Bo tin e derecho di hala aden bo konsentimentu dor di manda un email na caribbean@wwf.nl.
• Pa mas informashon tokante kon nos ta atendé ku bo datonan, por fabor referí na e privacy statement.