Nos Trabou na St. Eustatius
WWF-NL a finansiá diferente proyekto di Sint Eustatius National Parks Foundation (STENAPA) pa mantené òf restourá e balansa entre e ser humano i naturalesa. Proyektonan ku ta kanando ta enfoká riba e reubikashon di Diadema Antillarum i Finansiamentu Sostenibel. Finansiamentu Sostenibel ta relashoná ku identifikashon di nesesidatnan finansiero pa e parkenan den Karibe Hulandes. Despues e parkenan por traha riba e rekomendashonnan pa e finansiamentu.
STENAPA, Van Hall Larenstein, Wageningen University & Research, Caribbean Netherlands Science Institute i NIOZ a traha huntu riba un estudio piloto pa restourá e populashon di e Diadema den laman na Sint Eustatius. Ku e reintrodukshon di e espesienan klave herbívoro, ta ser antisipá ku e kantidat di lima lo baha, ku ta resultá den un gran oumento di rekuperashon di koral, loke mester stimulá e kresementu di e populashon di piská.
Diadema den awanan di St. Estatius
Otro Proyektonan Resiente
- Apoyo di e strategía di STENAPA
- Investigashon di e nèshinan di yuana ku ta den peliger di ekstinkshon (via di Biodiversity Fund)
- Sostené gobièrnu ku e kreashon di un plan di maneho di kabritu
- Peskeria sostenibel (suministrá ‘chain analysis’, ‘social mapping’, plan finansiero pa koperativanan di peskeria lokal)
- Nota e akuerdonan entre gobièrnu lokal i STENAPA
- Sostené STENAPA den trahamentu di Legislashon di Naturalesa i Peskeria huntu ku OLE
- Traha programa di komunikashon di STENAPA
- Sostené STENAPA pa legalmente preservá i establesé e fronteranan di e parke marino ku ta ser menasá pa e kambio di lei pa permití tènkernan ankra den e parke
