WWF-NL a lansa un eksposishon digital tokante e historia di koralnan den Karibe Hulandes. Via un mapa di kuentanan (story map), bishitantenan por partisipá interaktivamente pa siña mas tokante e region, e refnan, nan balor, i kiko ta menasá nan. Tambe ta deskribí kon individuonan i gobièrnunan por kontribuí na protekshon di refnan di koral.

 

Refan di koral tin e e biodiversidat mas haltu

Ta konosí ku koral ta duna kuminda, entrada i protekshon na habitantenan di Karibe Hulandes. E ref di koral ta un ekosistema kompleho ku hende ta kere ku tin e biodiversidat mas haltu di kualkier ekosistema riba planeta. Desafortunadamente, refnan den Karibe Hulandes a pèrde e área kaminda nan ta konsentrá  i biodiversidat debí na hopi menasnan manera kambio di klima i kontaminashon di awa sushi.

Hende ku ta sambuyá den Fuikbaai, Kòrsou na 1955 © Willem van de Poll, Nationaal Archief/ Fotocollectie van de Poll

Refnan di koral: ántes i awor

WWF-NL a krea un kolekshon digital di informashon i imahen di un manera simpel, klá i interaktivo pa tiner i adulto. E eksposishon akí ta presentá kon e refnan a kambia durante e añanan, e vários menasnan ku koral ta enfrentá, kiko ta ser hasí aktualmente pa protehá nan i kiko kada persona por hasi pa protehá koralnan.

Malesa di koral © Ellen Muller

Hopi akshon pa konservashon

Algun di e proyektonan di konservashon ku ta inkluí den e eksposishon ta e trabou di Reef Renewal Bonaire, Reef Renewal Curaçao, Turning the Tide na Aruba i Intellireefs na St. Maarten. Tambe ta inkluí ta e proyektonan di restorashon di seapel (zee-egel) na St. Eustatius i Saba, i RoffaReefs na Bonaire. E meta di RoffaReefs ta pa kolektá wébunan i kria espesie selektá di pisá ku ta importante pa mantené e salú di koralnan. E seapel tambe ta esensial pa refnan pasó nan ta kome alga riba e koral. Ademas, WWF-NL ta kompartí konsehonan fásil pa protehá koral manera: no mishi koral ni duna animalnan kuminda, usa krema kontra solo ku no ta daña e refnan i evitá usa pléstik di un solo uso.

Trabou di restourashon © Reef Renewal Bonaire

Kompartí bo imahennan

E mapa di historia digital (online story maps)  a bira posibel ku e kontribushon balioso di sientífikonan, universidatnan i organisashonnan di naturalesa ku a kompartí informashon akadémiko i imahen. Hende lokal tambe a kompartí portrètnan i videonan di nan kolekshon personal, di ántes i resien. WWF-NL ta invitá organisashonnan i personanan pa sigui entregá imahen di tur seis isla via caribbean@wwf.nl. E eksposishon ‘Rifnan Históriko di Karibe Hulandes’ ta un kolekshon ku lo ser aktualisá regularmente ku informashon i imahen nobo.

Historia di refnan

Deskubrí nos eksposishon >