Rònt mundu refnan di koral ta den peliger pa disparsé. Tin mester di diferente solushon pa tene refnan di koral saludabel. Ta interesante pa investigá e funshon ku piskánan por tin pa mantené i mehorá e ekosistema. Piskánan di ref ta vital pa e salú di refnan di koral, por ehèmpel, dor di kome alganan ku ta krese eksesivamente.

E ‘kwekerij’ flotante di piská © WWF-NL / Casper Douma

RoffaReefs lo hasi investigashon na Boneiru komo parti di e ‘Strategia Marino pa Karibe Hulandes’ di WWF-NL. E plan akí di sinku aña ta enfoká riba konservashon i rekuperashon di e refnan di koral den e region akí. RoffaReefs a diseñá un sistema flotante pa kria (‘kweek’) larva di piská marino, tantu den akuario komo den naturalesa. E kompania nobo, fundá na Rotterdam Zoo, ta bai tèst su sistema di kria (‘kweek’) piská den en parke marino na Boneiru. Un ‘kwekerij’ flotante di piská ta diseñá pa inkubá webunan di piskánan pelágiko i kria larva di piská pa fortalesé e refnan di koral. E diseño di e sistema akí lo ser di tèst ku ayudo di Dive Friends na e sitio di Sand Dollar. RoffaReefs por hasi mehorashon na e sistema di ‘kweek’ pa e siguiente pruebanan den kolaborashon ku WWF-NL, DCNA i STINAPA. Otro partnernan na Hulanda ta Rotterdam ZooTU Delft, Burgers’ Zoo and HKV lijn in water B.V.

Kitando nètnan di ‘plankton’ ku sosten di STINAPA © WWF-NL / Casper Douma

 

Sander van Lopik ta fundadó di RoffaReefs i akuarista prinsipal na Rotterdam Zoo. Sander a kuminsá traha ocho aña pasá komo akuarista na Burger’s Zoo, ku ta e ref di koral di mas grandi na Europa. E ekosistema di e ref di koral i su habitantenan a lanta su interes n’e akuario akí pa promé biaha. Pero tambe e ròl ku ser humano tin pa influensiá naturalesa en general. ‘Mi ta konsiderá ku ta mi trabou pa hasi un impakto positivo dor di bin ku solushonnan práktiko pa piskánan di ref den akuarionan i den naturalesa.’

E Fondo di Inovashon di WWF-NL a duna un kontribushon na e proyekto akí. WWF-NL ta sostené e proyekto akí pasobra desafortunadamente, hopi espesie di animal no ta biba den nos besindario (mas) i parkenan di bestia ta hunga un ròl importante pa loke ta trata informashon i edukashon tokante e espesienan akí. E konsientisashon akí ta krítiko pa sigui haña sosten pa konservashon mundial di naturalesa.