Bioversidat

Fortifiká e blòkinan di nos naturalesa

Tur sorto di naturalesa ta uni na mundu. Esaki nos ta yama un variashon natural di biodiversidat. Mas diferente nos naturalesa ta, mas mihó esaki ta. Biodiversidat ta birando ménos, por ehèmpel pa motibu di agrikultura òf disminushon di mondinan. Esaki ta hasi nos sistema ekológiko muchu mas vulnerabel.

WWF su meta prinsipal ta pa restourá e balansa entre e ser humano i naturalesa. Pa hasi esaki, nos mester kambia e disminushon di biodiversidat pa kresementu. Esaki nos ta yama Dobla e Kurva.

Kada Bes Ménos

Nos naturalesa ta deteriorando. Segun e último edishon di Living Planet Report di 2020, e kantidat di populashon di piskanan, paranan, mamíferonan, anfibionan i reptilnan, a bira menos ku 68% for di 1970. Esaki gran parti ta dor di destrukshon di nan habitat, pa motibu di agrikultura òf dimas piskamentu. Pero yagmentu i yagmentu ilegal, konstrukshon di infrastruktura, polushon i kambio klimátiko tambe tin influensia.

Nos ta biba den un emergensia global. Aktividatnan humano ta saka e klima for di balansa i e ta eksigí mas di e ekosistemanan natural ku esakinan por soportá.

E krisis di klima, kuminda i naturalesa ta konektá ku otro. Produkshon eksesivo i konsumo ta kausa mas emishon di CO2, ta menasá salú di hende i di medio ambiente i ta destruí naturalesa.

E Risíkonan ta Evidente

E gastu di intervenshon ta nifiká un tiki esfuerso kompará ku e gastu di no hasi nada. Mas ku mitar di GDP global ta depende hopi òf gran parti di naturalesa. No hasi nada pa redusí emishon di gas di invernadero i e pèrdida di naturalesa ta un di e riesgonan di mas grandi pa humanidat. Solushonnan natural i positivo por generá hopi sèn den oportunidatnan pa negoshi i un gran kantidat di trabounan nobo.

Nos tin e oportunidat úniko pa kambia e rumbo – pa hende i planeta. Nos por stabilisá nos klima atrobe si nos kuminsá awor. Lidernan di gobièrnu mester tuma desishonnan krusial tokante klima i biodiversidat. Ta e oportunidat pa kambia nos relashon ku naturalesa den un forma ku ta benefisiá nos hendenan i tambe nos medio ambiente.

Nos mester i nos por stòp e pèrdida di biodiversidat. Nos por kambia e pèrdida aki den restorashon di naturalesa. Nos ta yama esaki Dobla e kurva; nos ta dobla e kurva pa krea un mundu ku un naturalesa mas positivo. For di Karibe Hulandes, nos por logra e 3 metanan aki ku por kontribuí na mas biodiversidat.

  • 1

    Peskeria Sostenibel

    Dòbel e impakto di peskeria sostenibel.

  • 2

    Áreanan Protehá

    Protehá 30% di tera i laman.

  • 3

    Redusí Polushon di plèstik

    No mas plèstik den naturalesa den 2030.

Male Anole lizard