Kiko ta pasando?

Segun e Living Planet Report 2024 di WWF, e poblashon di animalnan salvage a keda redusí ku 73% for di 1970 te ku 2020. E menasa mas grandi pa animalnan salvage ta pèrdida di hábitat, siguí pa eksplotashon eksesivo, espesienan invasivo i malesanan. Esaki ta kousa ku kada biaha tin mas animalnan den estado krítiko ta ser poné riba e Lista Kòrá tokante Animalnan na Peliger di International Union for Conservation of Nature. WWF ta enfoká riba un kantidat di espesie di animalnan ku tin riba e lista aki. Dor di duna protekshon na e animalnan aki i nan habitat, tur otro animal ku ta biba den e mesun área lo haña benefisio di esaki.