Nos Ambishon
Nos Metanan
For di 2010, Boneiru, Sint Eustatius i Saba (islanan BES) a bira munisipionan spesial di Reino Hulandes. Wereld Natuur Fonds (WWF-NL) ta enfoká riba metanan espesífiko di medio ambiente den Karibe Hulandes. Pa por logra un mundu bèrdè pa hende i naturalesa, nos ta traha huntu ku henter e ret di WWF. Tambe nos ta traha ku partnernan lokal di Aruba, Curaçao i St. Maarten pa por yega na solushonnan pa e retonan di konservashon ku tin den region. Hasiendo esaki, nos ta hasiendo tur kos posibel pa protehá i restourá naturalesa.
Nos ta kontribuí na esaki komo WWF-NL huntu ku partnernan lokal for di Karibe Hulandes ku e siguiente 2 metanan konkreto.
-
1
Mehorá ekosistema di kosta ku ta salú i por sobrebibí impaktonan di kambio di klima.
-
2
Krea un refugio sigur pa espesienan emblemátiko (bayena, turtuga, dòlfein, tribon), dor di protehá nan den henter e área di nan distribushon geográfiko.
Riba kiko nos ta enfoká?
Konservashon di naturalesa
Ademas di protehá animalnan i áreanan, tambe nos ta enfoká riba e rekuperashon i resiliensia di naturalesa. Nos ke protehá e límitenan ku nos planeta por manehá.
Pa por logra esaki, nos ke influensiá positivamente e maneho di partidonan importante den Karibe Hulandes i Hulanda.
Read moreKonekshon
Nos ke move habitantenan, kompanianan, gobièrnunan i NGO’s huntu pa invertí tempu, konosementu, influensia i sèn den un komunidat sostenibel.
Pa esaki kana, nos ke krese ku un komunidat mas amplio i ku ta mas involví. Nos ke ta un organisashon ku tin liderazgo, ku ta habrí i ku ta inspirá.
Read moreWWF Internashonal
Wereld Natuur Fonds (WWF-NL) ta enfoká riba metanan espesífiko di medio ambiente den Karibe Hulandes. WWF-NL ta forma parti di WWF Internashonal. WWF ta traha den mas ku 100 pais i ta involví den mas ku 3000 proyekto rònt mundu.
Pashon pa Naturalesa
Den dékadanan pasá, WWF a krese den un ret global di konservashonistanan, hendenan lokal, gobièrnunan, negoshinan, donantenan i boluntarionan. Personanan ku tin e mesun pashon pa naturalesa i ku ke protehá esaki. I huntu ta djòin e mesun mishon desafiante aki: traha den un mundu kaminda hende ta biba den harmonia ku naturalesa.
Ofisinanan Separá
E ret global di WWF ta konsistí di ofisinanan separá, kada un ku su mes direktiva i dirigente. WWF-International ku ta situá na Gland Suisa, ta e kordinadó di e ret i sekretariado. Akuerdonan tokante koperashon entre organisashonnan individual ta skibí den un akuerdo di e organisashon di ret. Por ehèmpel, tambe tin un kapítulo tokante e uso di e marka WWF (e logo di panda ku ta asina konosí).
